藝裝修黃師父 63037766

公司：友藝裝修

人：黃師父

電話： 63037766

事件經過:

1. 裝修公司是朋友親人開的，開價亦唔平，版友以為信得過

2. 開始裝修後仲要不斷加錢，樣樣都唔記得計落去，共三萬幾

3. 廚櫃度錯呎寸，連水龍頭位都無，深造左21吋，煤氣公司話無個爐可以裝，但佢唔肯改

4. 廁所買磚本來買280呎，佢度左380呎

5. 拉左13個電制位，有D無問過我地自己開

6. 完工嘅牆油油到凹凸不平，深淺色，完全無批過

7. 門買左2萬幾，但比佢整花哂，櫃門都係花哂

8. 油油批灰$28000但無批，廚房$40000幾但度錯晒尺寸

9. 忍無可忍閙佢兩句，立即發火話唔黎埋尾

10. 廚房洗衣機同盆位度錯，講左好耐佢就加多條木加濶，懷疑唔安全

11. 公司負責人姓凌，佢仲未比番條Key我，昨日仲上我新屋偷晒可取走嘅野，如燈，雲石

12. 我地問佢點解無做批盪，佢就發脾氣話唔做，根住收線，最後連鎖匙都無俾番我。

最後，戶主搵左個師傅上去收尾。師傅話佢好無良，牆完全無批就油一層上面，好難整得番，佢買果隻五合一係假貨。

廚房櫃要柝，因爐火會燒到，師傅話假天花焦落膠，好危險，電制有些無漏電條線，叫我唔好用。師傅話佢應該係只識做工程中其中一樣，騙人接工程。

以上呢單叫大野。仲有另一單：

1. 廚房巴士門塌右，成個門框又花曬

2. 送傢俬黎整爛曬啲牆紙

3. 廁所兩個地方漏水

4. 房門爆左門框

裝修黑店 裝X佬 Goodxxbs

公司：裝修黑店 裝X佬 Goodxxbs

事件：
以下是我自己的親身經歷：

今年2018年，在網上找了一間裝修平臺，叫“裝X佬”，通過裝X佬，認識了一間叫 Goodxxbs 的裝修公司。

6月23號一簽合約，6月25號馬上派人來，拆爛間屋，我以為好快手，感覺這公司不錯。
結果，之後這間公司，工程的速度變得很慢很慢，尤其到了裝家私那一步....

合約上寫好，60個工作日會完工。我們本身已經預了不會準時，但是萬萬沒有想到，他們到了10月27日時，單位還像爛地盤一樣.....

之後一直追他們，但是他們竟然在11月16日的時候，由“裝X佬”通知我們，Goodxxbs 要爛尾，問我們願不願意單方面宣布，不和Goodxxbs 繼續合約，而把責任轉移給"裝X佬"，但是我們需要給“裝X佬”剩下未給的裝修尾數，即4萬元。

當時，裝X佬叮囑我們不要報警，也不要出律師信，他們才肯替我們盡量做余下的收尾。

最氣憤的是，我們發現了，Goodxxbs的所作所為，是我們完全沒法接受的：

1) 全屋所有門，幾乎尺寸是錯的；
2）櫥櫃所用的材料，是假冒西德板
3）幾乎所有家私是做錯的，最大問題是，沒有考慮到柱位的位置，導致櫃門開不了，而要修改整個櫃的設計
4）故意把煮食爐放上膠水，安裝在未有開洞的臺面上
5）故意在廚房石臺面沒有在原廠開洞的情況下，把石面牢固地安裝在櫃上，之後在隨意開洞，導致石臺面嚴重損壞，不能再食用
6）私下冒名打電話到西門子，叫人不要上來和我們安裝。之後，他們自己替我們安裝，結果是亂裝的。
7）剪斷我們兩個廁所的電線，導致要重新安裝電線。
8）拆爛了我們的浴室寶

我很想說，這是我從沒有想過的遭遇，結果真的發生了.....今天，我忍無可忍，終於花了3000元找律師出了信，警告這間Goodxxbs 裝修公司！

公屋傢X宜，hoh0me，好X俬室內設計

公司: 公屋傢X宜，hoh0me，好X俬室內設計

如果大家想安居樂業的，就唔需要幫襯呢間黑店。地台床組件，由下訂金到安裝，超過2個月，一直未齊，但要脅如果不找尾數就一塊組件都唔送貨。比左尾數後都送唔齊組件，什至不回現覆message。板塊好多都崩嘅。安裝師傅又會鑽爛晒～

搵力發冷氣工程洗冷氣機 (捷龍)

公司：搵力發冷氣工程洗冷氣機 (捷龍)

事件：
千祈唔好搵力發冷氣工程洗冷氣機 

電話: 2686 xxxx , 9238 xxxx,  5610 xxxx

人： Kxx(男)，Chxx ( 女)

係電郵見到力發洗冷氣廣告，覺得價錢合理，網上又唔覺有劣評（可能我搵唔到），所以就幫襯佢地，講好左洗4部窗口冷氣機，全部係抬出黎洗既，點知黎到就話呢部機好舊，抬出黎會散，個部機個位唔啱，抬唔到出黎，結果無一部係抬出黎洗，全部都係咁意噴d化學劑，用高壓水槍射兩下就叫洗完。
之後再搵朋友介紹個冷氣師傅黎整冷氣機去水喉位，好容易就抬到部機出黎，仲發覺裡面污糟蹋塌，完全唔似一個月前洗過！
所以奉勸各位千祈唔好自己隨便搵網上或電郵廣告介紹既公司，真係貼錢買難受！
（唔知係咪太多人投訴，所以間公司改過名，以前叫捷龍）

意+設計 觀塘開源道72號溢財中心一樓

公司：意+設計

地址：觀塘開源道72號溢財中心一樓, K&L室 

事件：
做個組合櫃來貨冇左個低部, 玻璃層板崩左幾塊, 櫃邊爆裂, 櫃身顏色一撻撻污積, 之前已付一半錢, 運輸堅持收尾數, 後來同佢嘈完扣起1500, 說盡快補回塊底板, 玻璃層板同執漏, 等左個幾星期冇晒聲氣, 打去比個SALES又係度耍你, 又話要打去廠CHECK, 跟住又冇影, 幾日後再打去, 又叫我地自已打去寫字樓, 打去寫字樓又話唔知有件咁既事, 要CHECK下.... 冇幾耐寫字樓回覆又話要問廠... 真係唔知幾時, 現在個櫃又唔放得野, 舊櫃放埋一邊又唔掉得, 回家客廳七國咁亂, 電視又冇得睇.... 各位千其唔好幫襯呢間野...有乜事想搵人跟都幾難, 訂果時就乜都得, 唉...

土瓜灣 X Concept X

公司：土瓜灣裝修黑店老屈十萬焗撻訂概念X concept X

事件：
大家小心 呢間 無賴 公司 竟然輸打贏要 獅子開大口 要賺夠十萬先滿足 呢啲咁嘅垃圾3d圖要收我兩萬 我報警嗰陣時嗰個負責人Alvin X( 即係想上電視嗰個) 仲好串咁話唔怕我接下來做什麼動作我地喺 土瓜灣一間叫做 概念X設計公司 concept X(即係上電視嗰間) 做家俬連裝修工程。我們給10%（即2萬元）的訂金。開頭係免費傾2D圖 之後覺得OK就落咗訂。到出3D圖就開始有問題 再傾細節仲更加多問題 所以就好唔放心俾佢做 。到後期，我們決定不需其公司做此工程。他們說2萬元訂金不能退還，只可作為抵消出3D圖(垃圾)的費用。
但一開始他們並沒提及出3D圖是需要我們負責費用的。於是我們提議做2萬元傢俬，卻被拒絕，更說明要做10萬元以上的傢俬才可抵消費用。起初係只係報價 之後覺得OK才落訂出3D圖 係未簽合約 只係出咗訂單發票簽咗名 但係出第一次3D圖錯漏百出 傾咗第二次又錯 第三次又錯 第四次又錯。首先厠所：我要牆角洗手盆及鏡箱，佢就是但放咗喺一邊牆 。我要枱底方盆，佢就整咗枱面圓盆。厨房：我要淺藍色同啡色櫃，佢就用咗卡其色同白色。
房：牆身要淺藍色，佢就白色。枯臣同窗簾係靈空飛起。
廳：牆身係要淺藍同深灰，佢就深藍同卡其色。我要兩趟黑色玻璃趟門，佢就俾三趟白色我。3D圖嘅冷氣位同窗位可以同2D圖相反的。仲要個3D圖係完全冇3D感 人地手劃都好睇過佢 總之就好多野做錯記錯 不能盡錄 好似有代溝咁 我先唔放心俾佢做 我係想退訂 但都知唔得 所以提議攞黎做萬幾蚊，2萬蚊傢俬或者3萬4萬咁得唔得 佢一口咬定要10萬 咁佢俾唔到信心我 我又點俾10萬佢做呢

元朗好順利商場唯美室內設計 V Ray Interior Design

公司：元朗好順利商場唯美室內設計 V Ray Interior Design 

事件：
有關家居裝修工程溓違反商品說明條例, 虛假聲稱於指定時間內完成工程, 及貨不對辦。老闆Alan Chan工程巳由2017年7月並承諾於2017年11月尾完工。但拖至2018年1月仍未完成。於2月雙方加簽附加條款並指明3月中完成, 及毁約最終爛尾。

香港嘉毅宏圖有限公司

開頭傾個個叫陳生,中間傾左好耐,開頭有講有笑,扮到好NICE,又車埋我周圍睇,起初我唔識野,諗住呢間所謂8年老鋪,唔會昆我掛,點知屈人手法經驗了得,加1塊地台塼加我5500$,全屋3塊錦就加左16500,窗台加塊塼又加7500,全屋6塊又加45000,油漆改做牆紙唔包料加85000$,紙自己買第1次(一陣你就知點解會買錦多次)左3200$,加左5個電制15000,暫時,冇錯,係暫時被佢屈到313500,同我講幾抵幾抵,出面冇呢個價,最後被佢講多2講,就簽左約,苜先係份約係超簡單,完全冇提細節,剩係講,入左第1期數黎開工,之後幾時幾時要入錢,完全冇提完工其他所有野,有咩都剩係口頭上答,同我講"實冇事,一定OK,信我事"後再問問朋友,原個價錢係超貴,貴左十倍有多,我開頭聽洛好心痛,後來安慰自己,老鋪又收得貴,可能..希望手工好D掛..

開工第1日,係完全冇人黎開工,我晚上收左工番上去睇,咩都冇變,第2日,第3日,,我開始覺得有D唔對路,打過去比佢,第1次,可能11點,食野味覆,第2次,3點鐘,終於通左,D語氣開始唔順超,一直同我講,安排緊人手,我都信住佢先,驚死煩到佢,等到第10日,我晚上上去睇,終於個廁所拆左小小野,個陣我仲傻到以為所有野開始做,點知係另一個惡夢既開始,去到第14日,我又放假,所以走上睇下,點知所有野原封不動同第10日一樣,之後10點到有自稱係師傅既走上黎,我比晒水,野食條友,條友拎完野就錦行左去,去到廁所,講左句,仲咩乜Q野都味拆,跟手打電話,中間見到佢講到火都黎,我剩係知D野應該要拆,但係味拆,叫師傅照做,苜先佢就鋪牆既磚,但係個牆拆D又唔拆D係完全唔平,個師傅就加左好厚既水泥令佢平番,之後就直接上磚,我問個師傅,個牆錦厚,個廁所咪細左好多,佢就話唔係點,我直頭O晒嘴,打過去比個陳生,又係打左好多次,終於打到,個陳生仲要話仲錦做架啦,冇問題,師傅做左幾十年識架啦,見睇住個廁所錦..已經有D谷氣,之後中間又停下做下,搞1間廁所搞左個幾月,都仲味搞好,事後朋友黎睇,防水冇做,地台唔平,磚完全空心,隨時可能掉,浴缸之類來去水完全漏水,漏到其他牆又滲水,更可怕係漏去樓下會搞到人地,到時被樓下告,我當時呆晒,即黑打比個條陳生,佢仲話"冇問題,信我",講多2講佢就好求期答我會上去睇睇,之後拖左十幾日,我見錦大獲,請左假走上去睇,竟然又另一個叫做師傅既走上黎,我仲問,個廁所都味搞好,做廚房?個師傅話唔知,跟住行去廚房,一見到,又係個句,D野都味拆好,跟手又打電話,同樣地又叫個師傅搞,個師傅見我又派野食又派利事,開始同我呻,話呢D根本要拆晒,拆又拆D唔拆D,剩係拆D易拆既,特別係個4個角,唔打番隻角出黎,佢點鋪之後,佢都冇計,又係好似個廁所錦,上左好厚水泥,我當時個心灰晒,連師傅都錦講,仲同我講冇問題,呢條陳生,...我X!!!,更大獲係,佢地連入去水位,電相,都拆埋,我即黑打比個陳生,呢次打野左勁耐勁多次,到個廚房師傅叫鋪好晒D磚都味打到,我當時完全死晒心,之後突然有1日,佢打過黎,我開心到,點知仍係打過黎追數,我即黑同佢講佢搞到家下好多野味搞好,仲同我收錢,個陣已經比左7成錢佢,基本上咩都味搞,搞既又錯既,仲要拆走我D電相,來去水,我一講起呢D,佢態度完全變晒,同我講唔入錢唔開工,仲要我自己貼錢搞番D野電同水,我當時火都黎,但係又冇計,幾谷氣都只能忍住死死氣入晒D錢比佢地,之後再被佢地屈埋水電,2樣加埋你估幾錢,加番個電相,8萬5,加番條來去水,6萬4,我又忍忍忍照比,個頭比完,第2日,D野又係冇做過,當時我個心完全死晒,打比個條陳生又唔聽,難受左6,7日到,終於有個好人小小既師傅上黎搞電,我將D情況講晒比佢聽,佢聽完完全O晒嘴,佢直頭同我講,個廁所係一定要再做過,唔係樓下一定滲水之餘,成屋都會滲水,到時有排煩,仲同我講原來唔單止呢頭好多苦主都係錦,有D仲慘過我(原來我錦都味算最慘),仲有D師傅根本係新仔(人工夠平),好多都冇糧出,搞到個個唔順超又再搵D客出氣,出糧又出唔足,總會壓住D數係度逼D師傅做洛去,當時我先知完全中晒伏,當時真係好難受,佢仲話D錢千期唔好錦快入晒,唔係你一定會好大獲,一聽到呢句我個心完全死晒,個師傅見我錦,反過黎安慰下我叫我炸炸林比佢做完搵第2間,仲幫我汁多小小手尾,之後又拖多4-5日,當時已經係交貨個個月,即係第3個月,全屋得個電相叫搞好(但係個電相原本根本唔洗佢拆仲要被佢屈多D),當時條陳生個電話完全係打唔到,之後有日個條突然打比我,我心諗終於肯打比我,正想同佢講一大堆問題,點知一打黎好快錦講講講叫我買油買料,講完即累收線,我心諗要錢就打比我,有事就唔理我,不過終於到油漆,油漆師傅上到黎,直接開始油油漆,我問佢,唔洗產走D舊灰同埋D舊油漆咩,佢求期答我一句,唔洗架,錦樣仲實好多,唔信我油完試比你睇下,之後就再冇理我,好快手油晒成屋D牆,之後走左去,我見到D牆個色完全唔岩,仲要好多洞都冇補,D灰仲掉緊,諗住佢第2日會黎做...又係影都冇,就係錦,拖到家下,仲係完全搵唔到條陳生,水唔用得,牆D灰不斷掉,地下鋪唔平,好多電制又被佢產走埋,仲要驚廁所D磚掉洛黎,...一大堆問題


當初怪自己咩都唔識,容易信呢D裝修佬,係度貼埋佢地D車頭相同資料,唔會留電話,因為佢地既電話已經CUT埋,希望大家小心

雅x裝修公司 6292 109x

公司：元朗洪水橋工程裝修黑店 雅x裝修公司
老闆：許x萬
電話：6292 109x
地址：洪水橋洪堤路8號雅珊園商場1樓xx舖
事件：工程未完成及拒絕執漏，反搵收數公司收數。全屋窗口位及冷氣機位滲水，廁所防水冇做至牆身滲水。全屋手工其差。地磚硼爛照舖。爛理顧客要求，自流平貨不對版，冇技術去做照接單，小心。#黑店 #元朗黑店 #洪水橋裝修黑店 #裝修黑店 #雅迪 #迪

伯爵室內設計公司 觀塘 Suki Leung

公司： 伯爵室內設計公司
地址：觀塘  
人：Suki Leung

拆牆後要補返地板， 補返的地板行路有聲！向佢投訴她說你唔好行果塊地板囉！佢既回應真令我激氣，做就唔好竟然仲叫我避開個問題，大家請留意《有問題既地板係房門口》！ 點樣唔行過去呢？！Suki 既回應簡直係唔負責任及無理！

仲話補地板無收我錢！但有單有據我比左廿萬，無收錢點會肯幫我裝修！點解可以有咁不可理喻既人！？ 手工差，叫佢執漏！現在已經唔再理會我！

再者，係比第二期數既時候，叫我唔好入公司戶口，要求入佢私人戶口！ 如果入私人戶口，佢話我無比過錢又或者係公司落格！ 

大家小心！

九龍灣 Stxxe Design / Interior (原X作) 林總經理

公司：九龍灣 Stxxe Design / Interior (原X作) - 黑心,是但,不負責任又無賴既設計公司

人：公司董事姓林=總經理

事件：
樣樣是是但但，求求其就可以交貨的差不多"室內設計公司"

間公司分工分得好仔細的, sales只係sales, designer只係designer, 裝工剩係顧住自己裝唔駛睇圖, 不過最後有咩都係負責人自己話哂事, 客人都要聽聽話話架

流程:
- 未有設計圖睇先比幾成錢
- Sales 只負責簽單, 講到天花龍鳳都得, 簽完單就過比designer, designer做唔做到簽時所講既野, 睇運
- Designer 可能freelance 嚟, 接收能力差, 3d圖都唔識, 要靠個"電腦部", 個半月都見到1次既, 急就最好唔好揾佢, 不過點畫都無用, 裝工點裝佢都話唔到事
- 送貨 唔係公司車, 嚟到幾點就係幾點
- 裝工 可能外判嚟, 隨心所欲, 但求順手, 不過係順佢手, 工頭管都管唔到
- 恐怖的電線接駁，長用無事應該都係因為你好彩
- 傢具成品呢, 總經理話係咁係咁, 唔跟圖做都唔係問題, 只要唔係爛就又氹又成叫你收貨, 收走D野話換果時就最快手 (但唔會比返你)
- 就算只係安裝左兩塊板就走, 都要當日找哂錢先, 之後唔知幾耐先同你做返都無問題, 總經理就係咁既意思, he is the law咁

總結:
1) 間公司可能剩係做到大屋/寫字樓, 差十尺八尺都唔覺
2) 間公司都唔知有幾多個係長工嚟
3) 間公司既睇法就係, 就算當日只係裝左2塊木板都要收足哂全單工程錢先啱數
4) 間公司唔駛跟足圖紙, 仲要發現佢有偷工減料
5) 間公司訂貨出問題叫你可以問返供應商, 等佢起碼個半月都未有答案
6) 負責人最叻就係拖, 死剩把口, 有錯唔認, 有問題唔係諗點解決, 係諗有咩借口同點慳公司錢

信不信由你, 上網search 全名+好唔好 就有其它reference

遇到無良裝修佬(觀塘區)(黑店)

公司：

觀塘區(黑店)

人：一個無良裝修佬(大概50幾歲，牙都就冇曬)

事件：
係經老豆朋友介紹的~因為老豆想搵個收費老實的師父裝修~希望不會太貴~但這個師父手腳慢都算(一日裝一隻窗框，整左成個月都未有其他野係整好)~因為可能平的關係, 我俾你慢慢做~但慢慢做手工應該不差吧!但佢做牆身的批盪時……條友批到裝身有啲小山丘咁，仲要係好多幅牆都係咁,時間過左3個月終於都開始鋪地磚，地磚叫做鋪得最快，但都係有啲高低不平。終於等到唔知點解訂左成個月嘅廚櫃送到，我記得個晚我一收工即刻上去睇下有冇問題，一上到去見到個師父係到細細聲講 大獲啲位做得唔岩，之後佢見到我上黎就走左，唉……第日上去見佢竟然想將錯就錯將個廚櫃裝上去，好彩我地上去再睇叫停佢……我之後同佢講不如再訂過一套櫃啦，我地自己會俾錢，叫佢做其他野先, 反正仲有好多野都未整，但佢唔領情之餘 仲發神經咁玩左一個星期失蹤，我地搵唔到佢，而佢啲工具都仲係度冇拎走過，我地想搵人接黎再做都唔得，過左一個星期佢自己走返黎話會做，咁我地諗住都俾佢做埋佢就算(雖然都知佢一定會更加冇心機做)，冇耐就裝埋啲門，但啲門點會冇問題呀~啲門裝完都關唔到門，真係吹脹，最後到油油佢仲要用水溝到好稀~油完好似冇油咁……油左兩日我地終於頂唔順叫佢走……但老豆竟然已經俾埋第三期錢俾佢……唔怪得個兩日咁好禮貌咁……唉…真係當送走佢算數…一單野佢做左半年都未攪掂……最後搵人整過曬啲野……個裝修叫做好返少少……最後仲差一萬蚊倒尾數冇俾佢……本來我地諗住約佢出黎清埋佢條數佢唔使煩……但佢自己亂講話我地仲差佢3萬蚊……得一萬佢唔收……咁樣緊係唔俾佢啦…唔要算數! 事隔一個月倒就收到屋宇署話有人舉報, 要入黎查有冇拆主力牆，我心諗我地都冇亂拆野, 拆野都問曬佢意見, 應該唔會咁玩野掛……點知原來佢幫我拆左廁所牆身主力柱, 批左3cm厚度 ……最後依家要還原……哩條友真係超級無良……現分享此文希望大家搵人做裝修要更加小心~

卓X設計 joe雷卓x

公司：卓X設計
人： joe雷卓x
事件：
公司d師傅做野手工好9流 整到d櫃好多都破損花哂 痴膠又求其 裝門可以連基本關到對門都唔可以關到 同佢師傅講 仲要大大聲話唔關佢事 話係我買d門手工差 又話我用水整濕過到對門搞到關唔上 我聽完都o哂咀 我都未搬入去住 用都冇用過 你話係我整 冇病呀 懶皮屈人都用下個惱先講 佢一直拖拖拖 到我入左伙成半年都冇幫我執手尾 但佢仲好意思一打黎就話叫我地埋埋條裝修尾數比佢 我緊係唔會比啦 佢都未幫我執過手尾仲咩要比錢你 佢仲孔嚇返我轉頭話我唔比錢就搵人黎收 都未見過d人唔做野就要收足錢既道理 仲聲大夾惡 我住唔夠個幾月仲要發現我廁所對出走廊個牆身有一水漬 原來我廁所嚴重滲水 由廁所地下滲到出面走廊地下再上牆身 呢間公司真係冇得頂 我一沖涼企缸就會滲水 連基本廁所做防流措施都冇
賤格裝修就係咁，交唔到貨又要收足錢，唔執手尾又要收尾數就搵收數公司搞到人地呀媽爭啲冇左份工，折墜！

中藝工程公司 9729 0288

公司：中藝工程公司 
電話：9729 0288
人：吳先生, 
事件：
師父九流手工差, 開工小,拖足九個月

旺角既卓x設計JOE

公司：旺角既卓x設計

人：JOE 

事件：
講起就夠哂慘呀.....話說本人結婚置業，要搵裝修搵左呢間旺角既卓x設計JOE，本身因為冇識人裝修, 又咁岩睇到佢呢間野fb d相都鍾意所以就搵左佢幫我裝修，點知惡夢開始......... 一開頭搵佢裝修講明我地十一月中結婚十月中你一定要交樓，佢口頭承諾同合約亦有寫明十月中交場，我地比足夠時間佢八月初已經交樓比佢裝修，我地間唔中都會上去睇裝修進度，唔知點解佢遲遲都會拖下工程，問佢裝修既進度佢就好似唔多上心咁呼遣了事，而且態度極差...多次追問佢裝修同訂做傢私到場裝時間都唔覆，因為佢到十月中應該要交場既時間 竟然連廚房廁所櫃 全屋傢私 包括床 都未有確實時間到 當時我簡直人都癲 一邊要理結婚既事 另一邊仲要擔心裝修進度 佢不單止一d歉意都冇 而且仲懶理不理 一拖再拖 態度仲要相當差 仲要話佢好忙 又唔係做你幾百萬生意 你再嘈 我玩野難尾比你呀 我覺得佢跟本好唔負責任 仲要出言話要我間屋難尾收場 仲要嚇返我轉頭 真係貼錢買難受就係咁 點知到最尾佢成十二月初先交到樓比我 搞到我新婚入唔到伙 仲要搵辦法暫住問題 勁嬲 事情以為就咁完結 ～錯啦！佢雖然交左場 但仲有好多手尾未跟 到我入伙之前仍不斷追問佢幾時跟手尾 佢理都唔理 佢公司d師傅做野手工好9流 整到d櫃好多都破損花哂 痴膠又求其 裝門可以連基本關到對門都唔可以關到 同佢師傅講 仲要大大聲話唔關佢事 話係我買d門手工差 又話我用水整濕過到對門搞到關唔上 我聽完都o哂咀 我都未搬入去住 用都冇用過 你話係我整 冇病呀 懶皮屈人都用下個惱先講 佢一直拖拖拖 到我入左伙成半年都冇幫我執手尾 但佢仲好意思一打黎就話叫我地埋埋條裝修尾數比佢 我緊係唔會比啦 佢都未幫我執過手尾仲咩要比錢你 佢仲孔嚇返我轉頭話我唔比錢就搵人黎收 都未見過d人唔做野就要收足錢既道理 仲聲大夾惡 我住唔夠個幾月仲要發現我廁所對出走廊個牆身有一水漬 原來我廁所嚴重滲水 由廁所地下滲到出面走廊地下再上牆身 呢間公司真係冇得頂 我一沖涼企缸就會滲水 連基本廁所做防流措施都冇 唉，真係比佢害死呀 同佢講 佢竟然不付責任 仲話要收左錢先 唔比搵人上黎收 仲惡人先告狀 搞到我地住都冇日安寧 仲要比錢出去另搵裝修執返佢d屎 好彩就我冇比返尾數錢佢 但我相信依家我廁所既情況 整返都會over條尾數錢 仲要煩咁多野 心靈同情緒上受到好大壓力同影響 依家我已經搵左消委會同我跟進呢件事 仲要比左成皮野出黎公正行幫我搵滲水源頭等 雪上加霜 我一定會追究佢到底 ..... 各位唔好再做下一個受害者 搵裝修真係最好搵相熟既人或有人用過介紹 洗錢起碼洗得放心 住都住得安心 千其唔好單朋睇網上面既相就相信 睇相睇唔到手工質數 該公司的誠信等等 我就係咁中伏了

旺角新填地街354号A1舖彩虹油漆顏料公司

旺角新填地街354号A1舖彩虹油漆顏料公司，買料呃錢，見你個樣唔係裝修老，買嘢貴多一半，就算係裝修老，買嘢都貴2成，正仆街，人渣。

AST GlobXX

公司：AST GlobXX 

事件：前幾日上佢地網買左部水貨nexus 7 8GB 水貨.11月7號晚係地球站取貨， 因為地點係地鐵站, 佢又話3日有問題可以換, 就冇乜點CHECK 就收左貨.
第2日(11月8號)發現MON有問題, SEND Email 通知佢地, 要求換貨.
佢11月9號覆我, 叫我打電話聯絡佢地..
當日下午3點30分左右打俾佢地.. 同佢講番MON有問題，　佢第一個反應就話唔關佢地事，　叫我拎上去ＣＳ到整，
我即刻扯晒火，　賣野賣到佢咁不負責任，賣完算。
問番佢寫明個三日退換係唔係呃人，之後佢就扯開個話題：『我地冇聽話部機有咁既問題，你汁齊Ｄ野，　６點前拎上黎我地公司。三日退換，７，８，９　，　今日最後一日，６點前。』頂佢個Ｘ，　佢公司個地址（香港荃灣德士古道168號 德豐工業中心2座）冇巴士／　小巴到，分明搏我上唔到，我拿拿林仆番屋企拎齊野就飛的去，　上到佢公司，　你見到個門水唔會估到佢賣電子野。大閘木門鎖晒，有個牌寫住工業ＸＸ，閒人免進。

禁鐘入去, 一個冇裝修既貨艙, 成屋紙皮箱, 入D間左個房仔出黎做OFFICE。入去俾佢CHECK 完, 都話係有問題。要佢換機, 佢話冇貨。 換唔到俾我, 就收番部機先, 遲D有貨先送番俾我。咁梗係唔肯， 冇機冇錢係到, 到時你點我都吹你唔脹，要求退錢, 佢唔肯。好串咁講:『我地唔係唔換機俾你WOR, 過幾日姐, 退咩錢?』

心得

過來人提醒大家, 裝修千其唔好咁好心找尾數, 有問題一定唔好找數住, 唔駛怕佢哋, 唔好擔心怕事, 佢覺得佢啱既佢去報警處理, 勝過將來由你千方百計去追討損失, 結果只有自己蝕底, 更加千其唔好諗住找左部份數收先, 以為佢會良心發現之後會幫你做返好, 要知道黑店如果重視你呢個客就不會有搞出咁多問題! 就怪香港政府唔監管呢個行業, 任由害群之馬影響業界聲譽, 一單裝修閒閒地涉及幾十萬至百萬的交易, 居然可以一d 監管都無, 對消費都毫無保障, 迋香港自稱國際城市! 最後提醒下一d check 緊自已裝修公司是否被 black list 的人, 如果你合約尾數小過三成 (完工交樓後), 你不用查了, 佢九成係黑店, 分別只係佢是有幾黑, 可能佢報價平少少, 但我可保證一定唔會順利搞掂單裝修, 因為呢d 公司係無實力的, 料唔係佢師父唔係佢, 佢都係求人求師父求廠同佢做, 有問題佢自己都搞唔掂, 最終唯有爛尾收場

同發X氣工X有限公司

公司： 同發X氣工X有限公司

電話: 3188 xxxx

人： unknow


近排冷氣機有D漏水(係室內),決定係時候洗洗佢,
見宣傳單章介紹一間叫同發X氣工X有限公司講到自己幾專業,又有幾多大機構客戶,
第一次就放飛機,問返又話有落紀錄但唔知點解無入電腦,改第二日又無影,
問公司又叫我自己打比師傅自己問,師傅話個客有四部機要洗,
宜家重洗緊,應該趕唔切我相信洗幾多部你一早知,
如果我唔打泥問,到最後要我等幾耐至知你唔到,最後我搵個第二間叫得望冷氣水電,洗左之後話今日泥換條去水喉,
過左鐘唔見人,打去問先知又唔泥得,
你話我係唔係就泥顛

屯門/荔枝角, 姓李的

詳細大家慢慢睇~ 由懷疑,到肯定,直到採取行動!

終於有殼做蝸牛而唔係寄居蟹,心情真係興奮都極點.
所以第一間屋,希望裝修得好好睇睇,
(之前住架都只係咁易由老公自己親手油油)
今次係人生第一次裝修,為左隆重其事,
上手住過架無得留低,成間推倒再重新間房,
水喉電制同時重新拉過做過.
加上住頂樓,以及明眼見到有滲水地方,防水工程亦十分浩大.

之不過資金緊拙,四出打價之後,
終於叫拍人地心口搵到一間價錢十分合心水的公司來裝修,
工程重點包括:
1)全屋打拆清垃圾
2)重間廁所同2間房(廚房開放式)
3)新造廚櫃,鏡櫃以及電視機櫃
4)重做來去水位,電位,燈位
5)全屋加裝窗花
6)全屋鏟灰上油
7)廚房/廁所鋪磁磚
8)其他地方鋪木地板
9)全屋防水工程

惡夢架開始就係C6太好人,太易信人.
裝修公司係佢朋友個老死,大家事前見過3次(上新居睇環境,度尺同打價),
傾落岩咀形,C6又半個行內人,又有住附近架公公幫眼幫口
(公公都係半個行內人)再加上,本身四出打價時,佢地以友情最優惠價做
所以,C6同我都意屬由佢做

好啦,雖然係熟人,但唔代表唔需要簽約
份約係由我呢個完全的行外人草稿,最後由C6同對方傾
裝修公司無好正式出過份報價單,但因為我地係傾好價錢,
所以合理無詳刊細項,以總價形式簽訂左個單位裝修

房點間,廚櫃,鏡櫃以及電視機櫃幾大,雖然C6有度,但怕錯,
所以係事前都捉左裝修公司過黎傾,只係差3個櫃架式樣未定
同時,單位內邊度有燈邊度有咩,都一而再,再而三地同裝修公司講左
為左慳錢,我地選用德利板,因為知道焗柒好貴,
而裝修公司都CONFIRM左,同比埋本SAMPLE我地話除左金屬面,咩都包

一心諗住無咩問題,當時裝修公司只係話怕不能如常日子交樓
我同C6都話,有得傾,可以改日子,不過佢地後來又話6月3日ok就咁簽左


第一個問題
地方有限,設計亦有焗限,想要住得舒服,
間房係半吋都唔可以間錯,所以彈墨時
我,C6同埋公公,再加上裝修公司3個代表
係上面傾,而係同時,
我就開始追開佢地廚櫃,鏡櫃以及電視機櫃架樣
當日唔止一次同佢地講個廚櫃好大(真係好大...因為開放式)
佢地都okok咁,之後技術上,公公同C6同佢地傾
來去水,電位要點MARK,我就提下燈位,窗花個d
當時,裝修公司話房做四面燈,唔加吊燈(因為C6好想整吊燈,所以都嘈左一陣)
我話好,亦都講左廚房同廳位中間要做燈糟
唯一留左係無講假天花點做

間房日之後2日,裝修公司通知,
屋外的入水喉係舊式,要換銅喉,因為有小朋友,怕飲d鐵質水
個時我非常唔開心,因為裝修公司話要加錢換,佢話要4千蚊!
個時我好忟,覺得4千蚊好唔合理,仲係呢度出POST問有無師傅介紹
後來,好在公公住附近,由公公介紹左個師傅換,只係千六蚊!!

C6後來話我知,裝修公司話佢地收4千換喉,會由明喉轉暗喉
又靚仔又安全wo...我當時立即罵爆C6話,住多幾年要再換喉又點
作爆wall拎出黎再換啊?對面左右都係明喉黎,搞咩我地要整暗喉?
佢由始至終,講收4千蚊時有無講過係由明轉暗?有無問過駛唔駛由明轉暗?
佢做咩無啦啦打個由明轉暗架價比我?我根本唔要!

唔知係唔係C6同佢講我個次的爆發,惡夢就正式開始...


第二、三個問題
我上去新居望,發現未出櫃架圖樣就拉左水喉電制,
我當時O左咀問C6,係唔係C6同佢CONFIRM?
C6話,無CONFIRM水,不過電制有,
ok,我就同C6講,洗手盆位同爐頭位要掉轉,再拉過
洗衣機去水位要做低唔係高,要求佢地改
佢地就話改野要加錢點點點,我就爆佢地話
圖都未出,我無肯定過,係你地自己亂咁整
最後,佢地死死地重新整過D位

同時,我趁機CONFIRM個D燈位,佢就忽然話
間房4面燈又改成1面，廚廳燈位要做燈糟又要加錢
我話佢房改一面我有保留唔知夠唔夠光,唔夠一定要做返比我
而個廚廳燈位一早話左做燈糟,咩事唔見左?
佢地又賴個廚房個假天花位,拉到個度做唔到燈位,又話射燈仲好睇
就係死都唔願做個燈糟比我,或者係叫一定要加錢先肯做比我

跟住我就O左咀問佢,邊個叫做個假天花拉到咁低?
我本人都有咁上下高度,個天花拉咁底係想點?扮小人國?
佢地話慣性都係咁做架啦,仲話我要求奇特
呢個時候,我忍唔住打比C6個朋友,爆佢
C6個朋友都驚左我話:佢地無預個燈位係佢地唔岩,個燈糟你要做,我比錢啦!
我同C6個朋友話,唔係錢架問題(其實都有關係架)而係佢地無啦啦自動波
CONFIRM左D野,我都唔知幾時同點解會變成咁,我話唔係咁做架時候
就話我「改野」,我無改過野,因為之前都唔係我或者C6話咁做
係佢無啦啦整左,然後唔係我想要架,就硬逼我要
最後,裝修公司仲唔肯認錯話一定要加錢先裝
我無奈被逼話唔裝,我知道我硬要裝架,C6個朋友就會出錢
不過呢個唔係我想見到架結局...咁個廚廳燈位叫SETTLE左
而個假天花,就要我C6做埋工人
係上面畫左成個下午,要求佢地升高大概半吋多D

而就係呢半吋位多D位,我同裝修公司第三次衝突
原因係個廚櫃,唔知點解個天花底高多半吋多D
裝修公司就話個廚櫃SIZE會唔同左,而要求我比多萬八蚊
我個下火都不得了,問佢:只係升高個櫃半吋多D
中間個鏡鋼位多左半吋多D,就要萬八蚊?我家下買左鑽石鋼呀?

佢地回覆話係誤會左要重整個廚櫃,個SIZE唔同左,
做高左半呎多D個價錢唔同左
我仲火,話成個尺形櫃,係120吋(10尺)長X106吋(8尺10)長
你收我個萬八蚊,係唔係打算整多一座8尺廚櫃比我?

裝修公司又唔知兜左去邊,最後話只係升高個櫃當然唔加錢啦!


第四個問題
香港天氣突然幾個鐘之內三級跳
落左一場超級大雨,令又一城變左水舞間架同時
亦都令我發現左原來新居個窗外滲水入屋
急急同裝修公司講呢件事,請佢地注意個防水要做好
佢地話唔關佢地事,要我們加錢整個防水
仲話窗外要搭棚,所以要收最少萬五蚊
我唔明,合約上面明明要求做全屋防水
佢都可以話唔關佢事,佢話因為係屋外,唔係屋內...
我話成間屋佢都未做防手,已經成個月,咩都無
連3個櫃咩樣都未有,佢地想點

個次談話我架粗口認識又加深唔少
最後係C6同佢地講,話要我地出錢買多罐防水油,
佢就伸隻手向出面做

我更無言...如果係可以伸隻手整架,點解一早唔講?
要同我粗口對決? 想點先?
後來,我地搵管理處問窗外滲水位,
管理處話要業主處理,非管理處問題...
到今日,防水油係未買架,亦都未決定如何處理


第五個問題
係我仲研究緊搭唔搭棚做架時間
裝修公司突然同C6講個廚櫃計錯數
我們要求個尺寸一定要加錢先可以造
仲表示,如果我地唔加錢佢就唔再做落去...

家下間屋架狀態連同我架心態都係一片混亂

1)地台未做
2)防水未做
3)電線未拉好
4)浴缸裝左,但未封
5)熱水爐裝左,但未駁
6)部份裝修垃圾未清

...根本就一片爛地...


半反臉
冷靜左一輪,C6勤左上去睇
以防佢地做手腳,亦間唔中見到2個負責人之一(稱為肥師傅,另一個係瘦師傅)
肥師傅負責水電,而且亦都負責搵工人做野
佢呢幾日都有上去整水電,
亦不時同我老公探口風,之後因為呢件事
我同老公吵都又嘈要離婚咁制
最後,我同老公話,件事我跟返,我做返話事個位,叫佢地搵我傾,
最後,肥師傅打左電話比我,而我就錄左音
大致內容係由佢原本唔承認自己的錯到最後承認係自己的錯
1)入屋水喉,事前唔通知我地要換,加錢換係無問題,問題係遲左講,我不滿=道歉自己睇留
2)由DAY1已通知要做個大廚櫃,死賴無聽過,又話我地改黎改去=認係佢地問題,係佢地聽留左,無用心
3)由DAY1已通知做燈槽,又話燈槽係佢SUGGESTION而唔係我地話要做,結果計錯數就賴我地無講過燈槽=最後當然係比我搵返証明,話燈槽一早講左要做,係佢地計錯,無睇,唔聽,唔係我地問題
4)由DAY1已話老人家因住附近會上去睇,兩老意見不用理會,最後搵我確定點做就得,千其唔好同佢地吵,因老人家身體不好,如真的覺得好煩,立即打電話找我,我會出口叫走兩老.然而佢地有日同兩老有口角,激到公公嬲到唔舒服左2日,而且當日係我上兩老家接小朋友才知道發生了口角事件=呢個佢直接道歉,因為個句說話,我係面對面同佢講左至少3次,佢地都忍唔住,而且瘦師傅仲用呢個原因賴係兩老改設計,比我爆左一獲(粗口LV UP)

而同時,佢地承認自己計錯條數方面,我話唔係無得傾,加錢係無可能
但我會睇下有咩地方可以減去,改平D,等佢地唔需要蝕咁多
暫時,因為肥師傅願意傾,所以事情無原先咁灰
只不過個,瘦師傅…好可能唔會再見到佢,雖然佢負責泥水
真反臉
約左一日當面傾,對方話合約係我逼佢簽,
然後佢要打爛間屋,威脅我比錢.
完全係黑社會手法,大家千萬唔好幫親佢
事到如今,我去左報警
而警察做左個中間人,對方同左警察講唔做

之不過過左1日又唔知幻聽定失聰,
無啦啦話係我地唔比佢做,
當然,我地話係你自己同警察講唔做架!
然後佢就話唔比返令佢滿意架金額,佢係唔會清野走架

姓李架發現佢架黑社會兇人手法不行
就搵左個中間人=就係當初呃左我老公簽約架肥鄧!
阿肥鄧話自己只負責做電,同我地要求收返條數
又話個場架野係佢架~
當中又兇又哄~出爾反爾+恩覺失調~

堅持到底就是最終勝利?

well, 同時已搵民政事務署,掛期見律師
另外, 會正式向消費者委員會投訴